ടെ​ഹ്‌​റാ​ൻ: ഇ​റാ​നി​ൽ ഭ​ര​ണ​കൂ​ട വി​രു​ദ്ധ പ്ര​ക്ഷോ​ഭ​ങ്ങ​ളി​ൽ പ​ങ്കെ​ടു​ത്ത​വ​രെ തൂ​ക്കി​ലേ​റ്റാ​നു​ള്ള നീ​ക്ക​ത്തി​നെ​തി​രേ ക​ടു​ത്ത മു​ന്ന​റി​യി​പ്പു​മാ​യി അ​മേ​രി​ക്ക​ൻ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ്. പ്ര​തി​ഷേ​ധ​ക്കാ​രെ വ​ധ​ശി​ക്ഷ​യ്ക്കു വി​ധേ​യ​മാ​ക്കി​യാ​ൽ ഇ​റാ​നെ​തി​രേ അ​തി​ശ​ക്ത​മാ​യ ന​ട​പ​ടി​യു​ണ്ടാ​കു​മെ​ന്നു ട്രം​പ് വ്യ​ക്ത​മാ​ക്കി. "സ​ഹാ​യം ഉ​ട​ൻ എ​ത്തും' എ​ന്നു പ്ര​ക്ഷോ​ഭ​കാ​രി​ക​ൾ​ക്ക് ഉ​റ​പ്പു​ന​ൽ​കി​യ അ​ദ്ദേ​ഹം, ഇ​റാ​നു​മാ​യു​ള്ള എ​ല്ലാ ച​ർ​ച്ച​ക​ളും റ​ദ്ദാ​ക്കി​യ​താ​യും പ്ര​ഖ്യാ​പി​ച്ചു. ഇറാനെതിരേ ഏതു നിമിഷവും അമേരിക്കയുടെ ആക്രമണമുണ്ടായേക്കാമെന്നാണ് റിപ്പോർട്ട്.

ഇ​ന്ന് ആ​ദ്യ വ​ധ​ശി​ക്ഷ?

പ്ര​തി​ഷേ​ധ​ങ്ങ​ളു​മാ​യി ബ​ന്ധ​പ്പെ​ട്ട് അ​റ​സ്റ്റി​ലാ​യ ഇ​ർ​ഫാ​ൻ സു​ൽ​ത്താ​നി (26) എ​ന്ന യു​വാ​വി​നെ ഇ​ന്നു തൂ​ക്കി​ലേ​റ്റി​യേ​ക്കു​മെ​ന്ന് അ​ന്താ​രാഷ്‌ട്ര മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്യു​ന്നു. വി​ചാ​ര​ണ പോ​ലു​മി​ല്ലാ​തെ​യാ​ണ് ഇ​ർ​ഫാ​നെ വ​ധ​ശി​ക്ഷ​യ്ക്കു വി​ധി​ച്ച​തെ​ന്ന് മ​നു​ഷ്യാ​വ​കാ​ശ സം​ഘ​ട​ന​ക​ൾ ആ​രോ​പി​ക്കു​ന്നു. "ദൈ​വ​ത്തി​നെ​തി​രേ യു​ദ്ധം ചെ​യ്തു' എ​ന്ന കു​റ്റം ചു​മ​ത്തി​യാ​ണു പ്ര​ക്ഷോ​ഭ​കാ​രി​ക​ൾ​ക്കെ​തി​രേ ഇ​റാ​ൻ വ​ധ​ശി​ക്ഷ വി​ധി​ക്കു​ന്ന​ത്.

ര​ക്ത​രൂ​ഷി​ത​മാ​യ അ​ടി​ച്ച​മ​ർ​ത്ത​ൽ

ക​ഴി​ഞ്ഞ വ്യാ​ഴാ​ഴ്ച മു​ത​ൽ ഇ​റാ​നി​ലു​ട​നീ​ളം ന​ട​ക്കു​ന്ന പ്ര​തി​ഷേ​ധ​ങ്ങ​ളി​ൽ ഇ​തു​വ​രെ 2,500ലേ​റെ പേ​ർ കൊ​ല്ല​പ്പെ​ട്ട​താ​യാ​ണ് യു​എ​സ് ആ​സ്ഥാ​ന​മാ​യു​ള്ള മ​നു​ഷ്യാ​വ​കാ​ശ സം​ഘ​ട​ന​ക​ളു​ടെ ക​ണ​ക്ക്. കൊ​ല്ല​പ്പെ​ട്ട​വ​രു​ടെ മൃ​ത​ദേ​ഹ​ങ്ങ​ൾ മോ​ർ​ച്ച​റി​ക​ളി​ൽ നി​ര​ത്തി​യി​ട്ടി​രി​ക്കു​ന്ന ദൃ​ശ്യ​ങ്ങ​ൾ സോ​ഷ്യ​ൽ മീ​ഡി​യ​യി​ൽ പ്ര​ച​രി​ക്കു​ന്നു​ണ്ട്. എ​ന്നാ​ൽ, ജ​ന​ങ്ങ​ളു​ടെ മ​ര​ണ​ത്തി​നു പി​ന്നി​ൽ ഭീ​ക​ര​വാ​ദി​ക​ൾ ആ​ണെ​ന്നാ​ണ് ഇ​റാ​ന്‍റെ ഔ​ദ്യോ​ഗി​ക നി​ല​പാ​ട്.

അ​തേ​സ​മ​യം, ഇ​റാ​നി​ലെ ഇ​ന്‍റ‌​ർ​നെ​റ്റ് വി​ച്ഛേ​ദ​ന​ത്തെ മ​റി​ക​ട​ക്കാ​ൻ ഇ​ലോ​ൺ മ​സ്കി​ന്‍റെ സ്പേ​സ് എ​ക്സ് സൗ​ജ​ന്യ​മാ​യി സ്റ്റാ​ർ​ലി​ങ്ക് സേ​വ​നം വാ​ഗ്ദാ​നം ചെ​യ്തു. പ്ര​ക്ഷോ​ഭം ശ​ക്ത​മാ​കു​ന്ന​തി​നി​ടെ, ഇ​റാന്‍റെ മു​ൻ കി​രീ​ടാ​വ​കാ​ശി റെ​സ പ​ഹ്‌​ല​വി​യു​മാ​യി വൈ​റ്റ് ഹൗ​സ് പ്ര​തി​നി​ധി ര​ഹ​സ്യ കൂ​ടി​ക്കാ​ഴ്ച ന​ട​ത്തി. ഇ​റാന്‍റേ​ത് അ​വ​സാ​ന നാ​ളു​ക​ളാ​ണെ​ന്നു ജ​ർ​മ​ൻ ചാ​ൻ​സ​ല​ർ ഫ്രീ​ഡ്രി​ക്ക് മെ​ർ​സ് അ​ഭി​പ്രാ​യ​പ്പെ​ട്ടു.

കലാപം ദൈവത്തിനെതിരേയെന്ന് ഖമനയ്

ആളുകൾ ദൈവത്തിനെതിരേയാണ് കലാപം നടത്തുന്നതെന്നും പ്ര​ക്ഷോ​ഭ​ങ്ങ​ൾ വി​ദേ​ശ ഗൂ​ഢാ​ലോ​ച​ന​യു​ടെ ഭാ​ഗ​മാ​ണെ​ന്നും ഇ​റാ​ൻ പ​ര​മോ​ന്ന​ത നേ​താ​വ് ആ​യ​ത്തു​ള്ള അ​ലി ഖ​മ​ന​യ് ആ​രോ​പി​ച്ചു. ട്രം​പും ഇ​സ്രാ​യേ​ൽ പ്ര​ധാ​ന​മ​ന്ത്രി നെ​ത​ന്യാ​ഹു​വു​മാ​ണ് ഇ​റാ​ൻ ജ​ന​ത​യു​ടെ യ​ഥാ​ർഥ കൊ​ല​യാ​ളി​ക​ളെ​ന്ന് സു​ര​ക്ഷാ കൗ​ൺ​സി​ൽ ത​ല​വ​ൻ ലാ​രി​ജാ​നി കു​റ്റ​പ്പെ​ടു​ത്തി. അ​തേ​സ​മ​യം, സു​ര​ക്ഷാ സേ​നാം​ഗ​ങ്ങ​ളു​ടെ മ​ര​ണ​ത്തി​ൽ ആ​ദ​ര​വ് പ്ര​ക​ടി​പ്പി​ച്ച് ഇ​റാ​ൻ മൂ​ന്നു ദി​വ​സ​ത്തെ ദുഃ​ഖാ​ച​ര​ണം പ്ര​ഖ്യാ​പി​ച്ചി​ട്ടു​ണ്ട്.
1979ലെ ​ഇ​സ്‌ലാ​മി​ക വി​പ്ല​വ​ത്തി​നു ശേ​ഷം രാ​ജ്യം നേ​രി​ടു​ന്ന ഏ​റ്റ​വും വ​ലി​യ വെ​ല്ലു​വി​ളി​യാ​യി ​പ്ര​ക്ഷോ​ഭം മാ​റി​യി​രി​ക്കു​ക​യാ​ണ്.